GLOSARIOA
- Konpiladore: Programa informatiko bat da, bere zeregina da iturri-kodetik abiatuta programa exekutagarria lortzea
- fpc: Free Pascal Compiler akronimoz ezagutzen da kode irekiko Pascal konpiladorea
- Sistema eragile: SE laburtuta eta OS Operating System ingelesez, konputagailu baten software nagusia da. Software honek konputagailuko hardware baliabideak kudeatzen ditu eta beste software aplikazioei oinarrizko zerbitzuak eskaintzen dizkie
- Windows: Microsoft Windows —eskuarki Windows izen soilarekin deitua— sistema eragile komertzial bat da, ordenagailu pertsonal, zerbitzari, sistema txertatu eta antzinean telefono adimenduenetakoa, Microsoft enpresak komertzializatua
- Mac OS (edo macOS): Macintosh Operating System, Macintosh ordenagailuetako sistema eragileei Apple Inc. enpresak eman zien izena da. Sistema hau izan zen interfaze grafikoa eta sagua erabili zuen lehenengo sistema eragile komertzial arrakastatsua
- Android: gailu mugikorrentzako sistema eragilea da, Linux nukleoan oinarritutakoa. Hasiera batean Googlek garatu zuen, eta gaur egun Open Handset Allianceek garatzen du
- IDE: Garapen-ingurune integratua edo garapen-ingurune interaktiboa, ingelesez integrated development environment (IDE), garatzaile edo programatzailearentzat software-garapena errazteko zerbitzu integralak eskaintzen dituen aplikazio informatiko bat da
- Dev-pas: IDE bat da, garapen-ingurune integratu bat da
- Geany: IDE bat da, garapen-ingurune integratu bat da
|
WINDOWS
Hauek dira Geany ingurunea instalatzeko eman behar diren hiru urratsak:
- fpc (Free Pascal Compiler) konpiladorea instalatu
- Geany ingurunea instalatu
- Txantiloi egokiak Geany ingurunean kopiatu
Informazio gehiago hemen: Windows sistemak: Pascal konpilatzen Geany ingurunea erabiliz
MAC
Hauek dira Geany ingurunea instalatzeko eman behar diren hiru urratsak:
- xcode aplikazioa instalatu, baldin eta instalaturik ez badago
- fpc (Free Pascal Compiler) konpiladorea instalatu
- Geany ingurunea instalatu
Informazio gehiago hemen: Mac sistemak: Pascal konpilatzen Geany ingurunea erabiliz
Txantiloi egokiak Geany ingurunean kargatzeko beste hiru urrats eman beharko dira:
- Karpeta eta fitxategi ezkutuak agerian jarri, besteak beste geany>templates>files karpeta
- Txantiloia den .pas fitxategia files karpetan kopiatu
- Agerian dauden karpeta eta fitxategi ezkutuak berriro ezkutatu
Informazio gehiago hemen: Mac sistemak: Pascal txantiloiak Geany ingurunean
iruzkinik ez:
Argitaratu iruzkina
Iruzkinen bat idazteko Google-ko kontu bat behar duzu. Iruzkin guztien moderazio-ardura blogeko administratzaileari dagokio.